Timailhan sa laing bag-ong adlaw

Paglaum alang sa nagpangita ug nagduhiraw

Dugang kadasig arun kita magpadayun

Sa mga gimithi ta kita maglaum

Ang biblisiw sa haring adlaw mopikit

Manuhutsuhot ang init sa tabunong panit

Maghatag ug kusog sa matag pangandoy

Himuong awit ang gipanaghoy

Ang kabuntagon mag-giya kanato sa pakigbisog

Sa kaangayan kita kanunay mubarog

Pinaagi sa paningkamot ug pangaliya, ang katilingban molambo

Ngadto sa Ginoo atong ipasigarbo

Ang bag-ong adlaw misilang na

Sa kahigayunan di ta magpakawala

Ang buntag maoy sinugdanan sa pagpangita

Sa walay kinutubang tingusbawan ug masanagong himaya!!!!