Maayong adlaw sa inyong tanan!

Literature graduate ko ug dugay na kaayo nako gustong magsulat sa Bisaya, pero dili ko swito sa atong pinulongan. Gusto nako mapraktis akong Bisaya, sa grammar ug sa bokabularyo. Dili nako ni mahimo sa pagbasa lang, kondili sa pagsulat pud. Mangayo unta ko'g tabang kon asa ko makakuhag references for Bisaya grammar (links, ebooks, etc.) 

Sa tinuod lang wa jud ko kahibalo unsay kalainan sa gi- ug na- sa Bisaya. Halimbawa, wala ko kabalo kanus-a mogamit og 'gibati' o 'nabati'.

Anyway, duna diay koy gisulat nga sugilagming. (Dinhi lang nako intawon nahibaloan nga mao diay ang Bisaya sa "short story" o "maikling kuwento".) Kaning istoryaha diay gibase nako sa ginakuwento sa akong papa about sa iyang angkol nga nahimong manambalay.

Kon okay lang sa inyo mangayo ko sa inyong constructive criticism sa akong gisulat.

Excerpt:

"Sa gidangatang kawanangan nipalibot kaniya ang pagbusikad sa nagkalain-laing bulok sa nilumpong nga mga estrelya. Dinhi, walay taghuna sa panahon. Dinhi, nabati niya ang tinuod nga katahom ug gugma nga dili mahakop ug matakos sa tawhanong pagsabot. Dinhi, nasabtan niya ang kahulogan ug tumong sa kinabuhi nga walay yutan-ong pinulongan ang makapahilamdag. Ug dinhi, nailhan niya ang tinuod nga milalang sa tanang butang."

For full story please go to https://hilamdagan.tumblr.com/post/664635084730695680/alibangbang

Daghang salamat!